كتب عمنا احمد فؤاد نجم قصيدة لحببنا وابو حببنا يهنيية بيها فى عيد ميلادة الكام والسبعين وده كان من سننين ولان الظروف هى هى واحنا بقا اكتر موكوسين وذدنا فى غبئنا وذاد هو فى السن سنين فقررت انى اغير كلمة سبعين الى تسعين فى قصيدة عمنا بل وهتطاول على عمنا الفاجومى واحط راسى برسه وازود فى القصيدة كمان :
سيدي الرئيس
في عيد ميلادك الحاجة والتسعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك
ها تفتكر مين وللا مين
في عيد ميلادك الحاجة والتسعين
بقول لك كلمتين
الأوله شيلتنا طين
وهل تعلم أن النيل بقي رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والإقتصاد سداح
والسرقة بقت كفاح
ومصر متاحة بس للسياح
وعرض البلد بقي مستباح
والثانية ورتنا الويل
دا الخطوة في عهدك بقت ميل
والضحك بقي نواح وعويل
والكوسةعارف الكوسة
ممكن أقول لك فيها مواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والثالثةعارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين وأدبا وعلما وفنانين
وكانو اليابانيين بالنووي لسه مضروبين
وللصدقة مستحقين دلوقتي إحنا فين وهما فين
هما فوق واحنا في أسفل سافلين
والرابعة أمن بلدنا بقي تنين
والمحاكم اتملت مظالم والعدالة بقت كمالة
وكلمة الحق في الزبالة
وأصحابها في الزنازين
والخامسةالقطاع العام عام والفساد ساد
وفي جثة بلدنا بيرعي
أفتكر لجنابك إيه وللا إيه
وكل ذكري ليك بدمعةآآآآآآآآه آآآآآآآآه
أنا كنت حالف ميت يمين
أكملهم لك ملايين بس
ها كفيهم ورق منين
وكل سنة وانت ………….
واحنا طيبين……………………………
ومنى انا السجين يا حببنا احب اقولك كلمتين
اضفهم على كل كلام ابوالرغيين
نجم اللى مصدعنا ومحسسنا اد ايه احنا فى بلدنا مستكردين
يمكن تكون انت كويس واحنا ناس جهلين
بس وراك وادامك شويه افاقين ومنفقين
منهم اللى بيصورنا على اننا شعب مشردين
لا نفهم سياسة ولا فن ولا حتى دين
منهم اللى قالك ان امنك وامانك بسببنا متهددين
وصورلك اننا على القانون خارجين
واننا التوربينى وسفاح المعادي وكل النصابين
احب اقولك ان احنا مصريين
حبنا البلدى وبنحب كل الوطنين
همنا كلنا ان نكون مصرين
ميبقاش فينا ولا عاطل ولا مسجون ولا معتقلين
نفنسا فى لقمة نضيفة وهدمه نضيفة وبلد تساع كل المصرين
امنك هو احنا احمينا برحنا نحميك
متصدقش كدابين الزفه اللى حوليك
احنا نحب كل اللى يحب بلدنا ويدلها
وندى اللى يسرقنا باللامؤخذه على .......
ومتصدقش التانى ابو قوصه
اللى قالك ان مصر فى نعمة بس عى اللى مش حسه
ده نهبنا وسلبنا وبنى من عرقنا الملاين
يا رئسنا سألت نفسك كام عدد المعتقلين
ولا كام واحد فى الزنازين
سألت نفسك كام واحد مننا واكل وكام الف جعنين
سألت نفسك كام واحد منا متغطى وكام مليون متعرين
سألت نفسك كام واحد مننا شرب مية نضيفه وكام واحد اتهبب شرب طين
يا ريس سيبك من المنافق ده ابن المنافقين
قولى شوفت كام طابور عيش وكام ازمة ينزين
اقولى شوفت كام جعان وكام شبعنبن
قولى عملت ايه ترد بيه على رب العالمين
يوم ما يوقولك انت ليه بهدلت المصرين
اكيد مش هتقوله لعصابة هى اللى كانوا لى مخدعين
اكيد مش هتكدب اكيد سعتها هنبقا فيك فرحنين
بس احب فى الاخر اقولك كل سنه وانت طيب
فى عيد ميلادك الحاجنة والتسعين
كل سنه وانت عايش وحنا ميتين
وانت حر واحنا مسجونين
وانت فرش واحنا حرنين
ومن الاخر ذى ما قال الله رب العالمين
لو مسمعتش النصيحة
يبقا لكم دين ولنا دين
سجين من مصر اه والله من مصر
ليست هناك تعليقات:
إرسال تعليق