انا ما بخفش اصلى سجين

انا مابخفش

أنا مابخفش وحفضل أقول

كلمة حق عليها مسؤول

إن الريس راجل طيب وبشعبه دايماًَ مشغول

مشغول إنه يلم فلوسهم بره سويسرا يحوشهلنا وف حسبات سريه يشلها

نفسه يأمن مستقبلنا شفتوا إزاي بقه قلبه رحيم

عنده إيمان وضميره سليم بيجوعكوا لجل تخسوا

آه يا شعب محتاج لرجيم من جهلكوا بتقولوا بطاله
وإن الأحوال مش شغاله دا الراجل نفسه يريحكم هي الراحه تبقي عواله ؟؟

أما حكاية المنتجعات ليه بتسموها معتقلات ؟؟؟؟

ليه الظن...... وسوء النيه نفسه يفسحكوا يا بهوات

أما الكرسي واللى تقال دا كلام مش محتاج لسؤال

الغلطه دي غلطتنا يا عالم إن مجبناش كرسي تيفال

والله إنتوا ظالمين الراجل ضيع عمره ومين يستاهل

حتى الأكل بيكله بدالنا طالع واكل نازل واكل

ماله الريس بعد دا كله ؟؟؟

عمنا / احمد فؤاد نجم

هكذا قال عمنا احمد فؤاد نجم ليدلل على فهمه للواقع وعدم خوفه من مجريات الامور اما انا ففى نفس المركب فلا اخاف ليس تهور منى ولكن مما اخاف فأنا فى كلتا الحالات سجين , بل وسجين ابدى فمذا سيدار سجين حكم عليه بالسجن مدى حياته وحيات وطنه ان خاف من ان يحكم عليه بالسجن ولو عشرين عاما اخرى اذن فكونى سجين هو اهم ما يشجع على عدم الخوف

وعلى هذا وبذات الكيفية ورداً على ما كتبه الفاجومى

انا مش خايف لانى سجين واحد من ضمن الملاين

انت تقولى اننا مش فاهمين وانهم لمصلحتى عايزين

انا بقولك لاء يافجومى هما اشد المفسدين

سرقوا شبابى وزهرة عمرى قتلوا ولادى وحرقوا بلادي

وانت تقولى افهم يابنى طيب افهم ايه

فى حرميه شعارهم اخطف واجرى تكسب اكتر

وهما الخوف فى قلوبه اكبر واكبر سرقنى علشان نفسه يعيش

لكن هو وهو وهو سرقوا بلادنا وقتلو ولادنا وسجنوا شبابنا

وهما على كراسيهم قاعدين ولا خايفين ولا حسين

انما ايه وانا فى السجن امبارح يابنى سمعت شوية منحرفين

فى نفس السجن وجوه السور نادى وقالوا

اظلم واحبس فينا كمان بكره هكون انا السجان

اصرخ واجري بقا فيه نور وبكرة ولادنا يهدوا السور

سور السجن العالى الواصل بأيدى وايدك هيبقا تراب

نجى ولادنا من الاستعباد

نضف بلدى م الاستبداد

سجين من مصر